කාන්තා හා ළමා කටයුතු අංශය.
1. පරිවාස හා ළමාරක්ෂක සේවා දෙපාර්තමේන්තුව
2. ජාතික ළමා ආරක්ෂක අධිකාරිය
3. ළමා ලේකම් කාර්යාලය
4. ශ්‍රී ලංකා කාන්තා කාර්යාංශය
5. කාන්තාවන් පිළිබඳ ජාතික කමිටුව
අමාත්‍යාංශයේ ප්‍රධාන කාර්යය හා කර්තව්‍යයන් පහත පරිදි වේ.
1. රජය මඟින් ක්‍රියාත්මක කරනු ලබන ජාතික ප්‍රතිපත්පතීන් මත පිහිටා කාන්තා හා ළමා කටයුතු විෂයයන්ට සහ II වැනි තීරුවෙහි දැක්වෙන දෙපාර්තමේන්තු හා ව්‍යවස්ථාපිත ආයතන හා රාජ්‍ය සංස්ථාවන්හි විෂයයන්ට අදාළ ප්‍රතිපත්ති, උපායමාර්ග, වැඩසටහන් සහ ව්‍යාපෘති සම්පාදනය කිරීම, ක්‍රියාත්මක කිරීම, පසු විපරම් කිරීම හා ඇඟයීම.
2. අමාත්‍යංශ විෂය පථයට අයත්වන මහජන සේවාවන් කාර්යක්ෂමව හා මහජන හිතකාමී අයුරින් ලබා දීම.
3. නාස්තිය හා දුෂණය පිටු දකිමින් අමාත්‍යංශයේ කාර්යභාරය ඉටු කිරීම සහතික කිරීමට ඉවහල් වන ආකාරයට නවීන කළමනාකරණ ක්‍රම හා තාක්ෂණය යොදා ගනිමින් සියලු ක්‍රම සහ විධි ප්‍රතිසංස්කරණය කිරීම.
4. කාන්තා ප්‍රඥප්තිය ක්‍රියාත්මක කිරීම.
5. රාජ්‍ය කටයුතුවලදි තීරණ ගැනීම සහ දේශපාලන ක්ෂේත්‍රය තුළ කාන්තාවන්ගේ සහභාගීත්වය සහ නියෝජනය වැඩි කිරීම සඳහා ක්‍රමෝපායන් සැකසීම සහ ක්‍රියාත්මක කිරීම.
6. ගැටුම්වලින් හා දරිද්‍රතාවයෙන් විපතටපත් කාන්තාවන් සවිබලගැන්වීම සඳහා අවශ්‍ය පියවර ගැනීම.
7. කාන්තා හා ළමා හිංසනය වැළැක්වීම සදහා වන නීති හා ප්‍රතිපත්ති ශක්තිමත් කිරීම හා ක්‍රියාත්මක කිරීම.
8. ලිංගිකත්වය හා ස්ත්‍රි පුරුෂ සමාජභාවය මත කාන්තාවන්ට වෙනස් කොට සැලකීම වළක්වාලීම සඳහා පවත්නා නීති සංශෝධනය කර නව නීති හා ප්‍රතිපත්ති සම්පාදනය හා ක්‍රියාත්මක කිරීම.
9. කාන්තා මූලික ගෘහ ඒකක සවිබලගැන්විම සදහා ප්‍රතිපත්ති හා වැඩසටහන් සම්පාදනය හා ක්‍රියාත්මක කිරීම.
10. කාන්තා හා ළමා කටයුතු වලට අදාළ තිරසාර සංවර්ධන අභිමතාර්ථ ඉටුකරගැනීම.
11. දේශපාලන ව්‍යුහයන් තුළ ස්ත්‍රීන්ගේ නියෝජනය අවම වශයෙන් 50% ක් දක්වා ගෙන ඒමට අවශ්‍ය නීති සහ ප්‍රතිපත්ති ක්‍රමිකව හඳුන්වාදීම.
12. ආර්ථව දරිද්‍රතාව අවසන් කිරීම වෙනුවෙන් අවශ්‍ය බදු සහන, මුල්‍ය සහ අනෙකුත් පහසුකම් ලබාදීම.
13. ස්ත්‍රීන්ගේ වැටුප් නොලබන සුරැකුම් ශ්‍රමයේ බර අඩුකිරීම.
14. ශාරීරික හා මානසික වශයෙන් නි‍රෝගී දරුවන් ඇති කරලීමේ අභිප්‍රායෙන් මුල් ළමා විය රැකවරණය හා සංවර්ධනය පිළිබඳ ප්‍රතිපත්ති හා වැඩසටහන් සම්පාදනය කිරිම.
15. අනාරක්ෂිත තත්ත්වයේ සිටින දරුවන්ගේ අයිතිවාසිකම් ආරක්ෂා කිරීම සඳහා ජාත්‍යන්තර සම්මතයන්ට ගැලපෙන සේ වැඩසටහන් හා ව්‍යාපෘති සැකසීම හා ක්‍රියාත්මක කිරීම.
16. ළමා ප්‍රඥප්තිය ක්‍රියාත්මක කිරීම.
17. ළමා සුරැකුම් මධ්‍යස්ථාන නියාමනය කිරීම.
18. සෙවන සරණ කැපකරු මව්පිය යෝජනා ක්‍රමය ක්‍රියාත්මක කිරීම.
19. සුවිශේෂී කුසලතා ඇති දරුවන්ගේ එම කුසලතා ඔප්නංවා ගැනීම සඳහා මූල්‍යාධාර සැපයීම.
20. ස්ත්‍රීන්ට සහ දරුවන්ට වෙනස්කොට සළකන හා පීඩාවට ලක්කරන විශේෂ නිති සංශෝධනය කිරිම.
සංවර්ධනයේ පූර්ණ ප්‍රතිලාභ සාධාරණව හා සමානව භුක්ති විඳින සමෘද්ධිමත් සමාජයක්.
ජාතික ප්‍රමුඛතා හා අවශ්‍යතා මෙන්ම ජාත්‍යන්තර ප්‍රමිතීන්ද සැලැකිල්ලට ගනිමින් ආර්ථික සවිබල ගැන්වීම, කාන්තාවන්, ළමුන්, අවදානමට ලක්විය හැකි හා වරප්‍රසාද නොලබන පුද්ගලයන්ගේ සමාජ ආරක්ෂණය සඳහා අවශ්‍ය නෛතික, ආයතනික හා මානව සම්පත් සේවා සැපයීම හා වැඩිදියුණු කිරීම සඳහා වූ වැඩසටහන් සම්පාදනය කිරීම හා ක්‍රියාත්මක කිරීම.
| අමාත්‍යංශයේ ඉතිහාසය | වසර | ගැසට් පත්‍රය |
| සැලසුම් ක්‍රියාත්මක කිරීමේ අමාත්‍යංශය යටතේ පිහිටුවන ලද පළමු ආයතනය ශ්‍රී ලංකා කාන්තා කාර්යාංශයයි | 1978 |
|
| කාන්තා කටයුතු සහ ශික්ෂණ රෝහල් අමාත්‍යාංශය යටතේ ශ්‍රී ලංකා කාන්තා කාර්යාංශය නැවත ස්ථාපිත කරන ලදී. | 1983 |  |
| කාන්තා කටයුතු අමාත්‍යාංශය. (වෙනම අමාත්‍යාංශය) | 1997 | |
| කාන්තා සවිබල ගැන්වීම් සහ සමාජ සුබසාධන අමාත්‍යාංශය | 2004 | |
| ළමා සංවර්ධන හා කාන්තා සවිබල ගැන්වීම් අමාත්‍යාංශය | 2006 | |
| ළමා සංවර්ධන හා කාන්තා කටයුතු අමාත්‍යාංශය | 2010 | |
| කාන්තා කටයුතු අමාත්‍යාංශය | 2015 | |
| කාන්තා හා ළමා කටයුතු අමාත්‍යාංශය | 2015 | |
| කාන්තා හා ළමා කටයුතු සහ වියළි කලාප සංවර්ධන අමාත්‍යාංශය | 2019 | |
| කාන්තා හා ළමා කටයුතු සහ සමාජ ආරක්ෂණ අමාත්‍යාංශය | 2019 | |
| කාන්තා හා ළමා සංවර්ධන, පෙර පාසල් සහ ප්‍රාථමික අධ්‍යාපන රාජ්‍ය අමාත්‍යාංශය. පාසල් යටිතල පහසුකම් සහ අධ්‍යාපන සේවා | 2021 | |
| කාන්තා, ළමා කටයුතු සහ සමාජ සවිබල ගැන්වීම් අමාත්‍යාංශය | 2022 | |
| 2024 | | |
| කාන්තා හා ළමා කටයුතු අමාත්‍යාංශය | 2024 | |